Programi për përshtatjen e përmirësimin e kushteve të objekteve dhe banesave

PROGRAMI PËR PËRSHTATJEN E PËRMIRËSIMIN
E KUSHTEVE TË OBJEKTEVE DHE BANESAVE

Titulli i shërbimit	Programi për përshtatjen e përmirësimin e kushteve të objekteve dhe banesave
Cfarë është programi për përshtatjen e përmirësimin e kushteve të objekteve dhe banesave?	1. Programi për përshtatjen e objekteve, pronë shtetërore, nënkupton ndihmën që u jepet, me grante konkurruese, njësive të vetëqeverisjes vendore nga buxheti i shtetit, për t’i kthyer ato në banesa, me qëllim strehimin. Procesi i kthimit të këtyre objekteve në fond banese miratohet me vendim të Këshillit të Ministrave. 2. Programi për përmirësimin e kushteve të banesave ekzistuese private ose pronë shtetërore nënkupton ndihmën që u jepet, me grante konkurruese, njësive të vetëqeverisjes vendore nga buxheti i shtetit për këtë qëllim. 3. Me përmirësim të kushteve të banesave ekzistuese dhe, nëse është e nevojshme, deri në ndërtim të ri, kuptohet tërësia e punimeve që duhet të kryhen, me qëllim që banesa të shndërrohet në një strehim të përshtatshëm, sipas kushteve të parashikuara në nenin 4 të ligjit 22/2018 .
Cilët janë përfituesit nga programi i përmirësimit të kushteve të banimit?	1. Nga programi i përmirësimit të kushteve të banimit, si dhe përmirësimit deri në ndërtim të ri përfitojnë familjet/individët, të cilëve u mungon një strehim i përshtatshëm. 2. Përparësi në trajtimin me këtë program kanë: a) personat me aftësi të kufizuara; b) individët me statusin e jetimit; c) familjet e policëve të rënë në detyrë; ç) të moshuarit; d) komuniteti rom; dh) komuniteti egjiptian; e) komunitetet e zonave rurale; ë) prindërit e vetëm; f) viktima të trafikimit /viktima të mundshme të trafikimit; g) viktima të dhunës në familje.
Cilat janë objektet/banesat që trajtohen nga programi i përmirësimit të kushteve?	1. Objektet dhe banesat, që trajtohen nga programi i përmirësimit të kushteve ose i përmirësimit të kushteve deri në ndërtim të ri, janë: a) objektet/banesat në rrezik shembjeje; b) objektet/banesat e amortizuara, që kanë nevojë për ndërhyrje dhe përmirësime të domosdoshme. 2. Administrimi i kërkesave dhe identifikimi i ndërhyrjeve për përmirësimin e kushteve të objekteve/banesave ekzistuese duhet të bëhet nga struktura përkatëse e njësisë së vetëqeverisjes vendore.
Instrumentet e programit të kushteve të objekteve dhe banesave ekzistuese	1. Programi për përmirësimin e kushteve të objekteve dhe banesave ekzistuese realizohet nëpërmjet grantit konkurrues për: a) përmirësimin e kushteve të banimit e jetesës, deri në ndërtim të ri, për banesat në rrezik shembjeje; b) përmirësimin e kushteve të banimit në banesat e amortizuara; c) rregullimin e banesave individuale ose strukturave, të cilat nuk klasifikohen si banesë, nga vetë familjet që nuk sigurojnë të ardhurat e nevojshme për ta kryer vetë përmirësimin. 2. Kriteret dhe procedurat e përfitimit dhe dhënies së granteve konkurruese përcaktohen me vendim të Këshillit të Ministrave.