| Funksioni |
Ndihma dhe Shërbimet Shoqërore |
| Përshkrimi |
Bashkia nëpërmjet veprimeve dhe vendimeve bën të mundur ofrimin e:
- Ndihmës shoqërore;
- Shërbimeve shoqërore për individët dhe grupet në nevojë të cilët nuk mund të sigurojnë plotësimin e nevojave bazë jetike, zhvillimin e aftësive dhe të mundësive personale dhe ruajtjen e integritetit e përfshirjen shoqërore, për shkak të aftësive dhe mundësive të kufizuara ekonomike, fizike, psikologjike e shoqërore.
|
| Detyrat e bashkisë |
Ndërhyrjet dhe detyrat e bashkisë realizohen nëpërmjet:
- Shpërndarjes së ndihmës ekonomike;
- Pagesës për aftësinë e kufizuar;
- Shërbimeve të përkujdesit me personel të specializuar në shtëpi;
- Shërbimeve të përkujdesit në qendra ditore, riintegruese dhe rehabilituese;
- Vendosjes së personave në qendra rezidenciale kur është e pamundur dhënia e ndihmës në kushtet e shtëpisë;
- Ndjekjes së procedurave për caktimin e familjes kujdestare dhe të kujdestarëve.
|
| Financimi |
I përbashkët: pushtet vendor + qendror. |
| Strukturat përgjegjëse |
Bashkia |
| Ndarja dhe ndërveprimi me pushtetin qendror |
Pushteti qendror ndërvepron me bashkinë nëpërmjet Ministrisë së Shëndetësisë dhe Mbrojtjes Sociale në përcaktimin e:
- Politikave të ndihmës dhe shërbimeve shoqëore;
- Zbatimin e politikave të sipërpërmendura;
- Planifikimin e nevojave për ndihmë dhe shërbime shoqërore;
- Programimin dhe kontrollin e fondeve;
- Monitorimin e standareve për këto shërbime;
- Përcaktimin e përfituesve të pagesës dhe ndihmës ekonomike.
|
