| Funksioni |
Transporti publik vendor |
| Përshkrimi |
Bashkia nëpërmjet këtij funksioni bën të mundur rregullimin e të gjithë shërbimit të transportit, që vepron brenda juridiksionit të Bashkisë qoftë publik apo privat. |
| Detyrat e bashkisë |
Bashkia me strukturat e saj ushtron detyrat si më poshtë:
- Organizon, financon dhe vendos për linjat e transportin qytetës.
- Cakton dhe miraton tarifat e biletave të transportit qytetas të udhëtarëve me autobus dhe të transportit rrethqytetës të udhëtarëve;
- Organizon rrjetin e linjave rrethqytetëse, stacionet e qëndrimit dhe numrin e orareve, për linjat e njësive administrative përbërëse dhe qendrës së bashkisë;
- Organizon linjat në rrjetin e linjave rrethqytetëse, në të cilat lejohet përdorimi i autoveturave me 8+1 vende;
- Përcakton vendndodhjen e terminalit të autobusëve dhe vendet e nisjes e të mbërritjes së autobusëve dhe të agjensive të transportit të udhëtarëve;
- Organizon dhe miraton mënyrën e funksionimit të shërbimit taksi brenda juridiksionit të vet;
- Miraton nivelet e diferencuara të çmimeve dhe të tarifave brenda juridiksionit të vet;
- Lëshon licencën për transport qytetës dhe rrethqytetës, autorizimin për operatorët e terminaleve të autobusëve dhe licencën për shërbimin taksi.
|
| Financimi |
I përbashkët: pushtet vendor + qendror. |
| Strukturat përgjegjëse |
Bashkia |
| Ndarja dhe ndërveprimi me pushtetin qendror |
Këshilli i Ministrave, Ministria e Infrastrukturës dhe Energjisë dhe drejtoritë rajonale të transportit rrugor përcaktojnë:
- Rregullat kryesore të veprimtarisë së agjencive të transportit të udhëtarëve dhe bagazheve, për prodhimin dhe shpërndarjen e biletave dhe për transportuesit që ngarkohen të kryejnë transportin me autobusë;
- Tarifat e transportit të udhëtarëve, që subvencionohen nga shteti;
- Licencën për transportin rrugor për udhëtarë e mallra për të tretë dhe me qira;
- Tarifat për Licencat, Çertifikatat dhe lejet;
- Linjat kryesore dhe ushqyese të transportit ndërqytetës, stacionet e qëndrimit dhe numrin e orareve me autobus;
- Çertifikatën e aftësisë profesionale për drejtuesit e autobusëve dhe drejtuesit e autoveturave me 8+1 vende; mjeteve me peshë të përgjithshme të lejuar me ngarkesë mbi 6 tonë ose kur ngarkesa e lejuar, përfshirë rimorkion ose gjysmërimorkion, i kalon 3.5 tonë në transportin e mallrave;
- Kushtet që duhet të plotësojë terminali i autobusëve, kategorizimi, mënyra e mbajtjes së dokumentacionit dhe detyrimet e tjera të tij;
- Modelin e biletave të udhëtimit;
|
