11 prill 2020/ Geri Emiri/ Porta Vendore/ Durrës
Bashkia Durrës që prej ditës së mërkurë ka shënjuar në disa prej trotuareve të qytetit vendqëndrimet për qytetarët që presin në radhë, duke respektuar distancën sociale. Ashtu si në qytete të tjera, rrathët e verdhë janë ngjyrosur në trotuare, kryesisht përpara bankave të nivelit të dytë dhe pikave të shërbimit për pagesën e energjisë elektrike dhe ujin e pijshëm. Një pjesë e qytetarëve nuk kanë arritur ende të përshtaten me masat e reja, që diktojnë një stil jetese midis maskave, dorezave, dezinfektuesve dhe distancës sociale nga të tjerët.
