23 shtator 2019/ Artan Rama/ Porta Vendore
Në pamje të parë, botanika e alpeve duket një togfjalësh i sforcuar. Në përfytyrimin tonë alpet janë male të larta, majat e të cilave takojnë retë, vendi ku lind dëbora e ngjizen stuhitë. Ndërkaq, botanika ka të bëjë me një tjetër dimension: botën e luleve. Lulet janë të vogla dhe delikate, por jo më pak të rëndësishme. Ne udhëtuam në Parkun Kombëtar të Alpeve të Shqipërisë, ku më shumë sesa kontrasti, zbuluam harmoninë mahnitëse mes këtyre dy bukurive: bjeshkëve të hirta dhe mbretërisë plot ngjyra të luleve, një thesar natyror, ende i pastudiuar seriozisht. Dhe vendosëm t’ua përcjellim përmes fotografive të mëposhtme.
